١ - اعتراف شخصي

بقيت بحس اني غريب .. مبقتش عارف احكي لحد .. مبقتش عارف اتكلم .. بدور علي اي مكان احكي فيه و مكنش هشوف الشخص ده تاني .. انا مش خايف ولا متضايق من اللي عندي .. بالعكس انا متقبله جدا و مبسوط اني حتي طلعته مكتوب .. حاسس اني مخنوق و متضايق و مش فاهم سبب وجودي علي الارض .. انا الشخص اللي ماشي و خلاص و مش عارف حتي ماشي رايح فين .. 

اهلي ناس جميلة .. يمكن اغلي الناس في حياتي .. و حبيبتي اجملهم في عيني .. و اطيبهم و اقربهم الي قلبي .. لكن خي اكتر حد مبقتش اعرف اكلمه .. معرفش ده زهق ولا الموضوع باظ ما بيننا ولا ايه اللي حصل .. 

بحس انها بتتعذب معايا .. هي مستحمله كتير و انا برضو مستحمل مش عايز احس ان كل الغلط عندي .. لكن انت الاكتر .. لو الTrust issues او المشاكل في الثقة دي عند اي حد ١ عندي انا مليون بس انا تحس انها رباني كده مش باينه انا ببعد لوحدي.. بزهق بسرعة و ده اوحش ما فيا .. بقيت مش عايزها تعرف عني حاجة.. و مبقتش عارف اتكلم معاها في حاجة .. زمان لما كنا صحاب بس كان الموضوع عادي مبقاش فارق معايا تحس بإيه او رد فعلها ايه .. 

لكن دلوقتي الموضوع مختلف.. هي مش صاحبتي هي حبيبتي .. و الموضوع بقي اصعب الموضوع كل يوم بيكون اصعب و اصعب اني اخليها تشوف جزء مش حلو فيا .. الصراع اللي بيدور جوايا .. انا عمري ما كنت ضعيف ولا هكون .. علشان كده ما ينفعش حد شوفني كده .. و ده اكبر اسباب اننا مبنتكلمش .. مبقاش عندنا اللي نقوله لبعض تحسنا خلصنا كل الكلام اللي بيتقال في المرحلة دي .. 

يا رب ...